Канад хийцлэлийн байшин

1. Яагаад сонгох хэрэгтэй вэ? (Давуу талууд)

• Эрчим хүчний өндөр хэмнэлт: Дулаалгатай хавтангийн дулаан тусгаарлах чадвар нь тоосгон хананаас 5-8 дахин илүү тул халаалтын зардлыг хамгийн бага түвшинд байлгана.
• Богино хугацааны угсралт: Бүх хана, таазны хавтангууд үйлдвэрийн нөхцөлд бэлтгэгддэг тул барилгын карказ угсралт 10-14 хоногийн дотор дуусдаг.
• Дотор ашигтай талбай: Хана нимгэн (17-20см) боловч маш дулаан тул ижил гадна хэмжээтэй тоосгон байшингаас 10-15% илүү ашигтай талбайг гаргаж авдаг.
• Барилгын жин ба Суурь: Маш хөнгөн хийцлэл тул шрупэн суурь эсвэл хөнгөн шугаман суурь ашиглан газар шорооны ажлыг тал хувь хүртэл хэмнэх боломжтой.

2. Технологийн онцлог & Заавал анхаарах зүйлс

• Дулаалгатай хавтангийн стандарт: Хавтангийн гадна тал нь чийгт тэсвэртэй OSB хавтан, доторх тусгаарлагч нь өндөр нягттай, галд тэсвэртэй полистирол байх шаардлагатай.
• Агаар үл нэвтрэх битүүмжлэл: Хавтан хоорондын бүх уулзварт зориулалтын тэлдэг хөөс болон битүүмжлэгч туузыг маш нарийн хийхгүй бол дулаан алдах эрсдэлтэй.
• Мэрэгчээс хамгаалах систем: Суурийн доод хэсэг болон агааржуулалтын нүхнүүдэд 5мм-ээс багагүй нүхтэй ган торыг иж бүрэн суурилуулж, мэрэгч нэвтрэхээс сэргийлэх.
• Албадан агааржуулалт: Байшин маш битүү тул агаарын солилцоог хангахын тулд дулаан солилцууртай агааржуулалтын системийг заавал төлөвлөх.

3. Дулаан алдагдал & Монголын өвлийн шийдэл

• Дулаан солилцуур: Гаднаас ирэх хүйтэн агаарыг доторх дулаан агаараар халааж оруулдаг систем ашиглан дулааны хэмнэлтийг дээшлүүлнэ.
• Уулзварын тусгаарлалт: Шал болон хана, хана болон дээврийн уулзвар бүрийг 'хүйтэн гүүр' үүсгэхгүйгээр тусгай чигжээсээр битүүмжлэх.
• Вакуум цонхны сонголт: Канад байшинд багадаа 3 давхар шилтэй, аргон хий дүүргэлттэй, бага дулаан нэвтрүүлэлттэй цонх ашиглаж байж технологийн үр дүн илүү гарна.
• Суурийн дулаалга: Суурь доороосоо хөрөхөөс сэргийлж, шалны хавтангийн доод талыг заавал чийг тусгаарлагч бүхий материалаар бүрэх.

Түгээмэл асуулт